Lanu Tan
Hun vawngtu dar vuak ka chhiar a, Thim thuneihnain turni a lem ka hmu a; Vanglai vullai a lo chuai a, Bahsam mawi chu kèl samin a rawn thlâk a; Ran rual run nuam daihlim siamtu zarthing Beltu hnahthing an til zo va; Nipui hun nuam a liam rualin, Thlan thim pana nawr liam an ni thin a! Ni, chutiang lungkham ka neih chang chuan, I vullai thlirin i chul hun tur ka lungkham a; Hun her zêl hian tui luang iangin, I mawina pawh a liampui ngei dawn a; Hun her liam tur dan rual ni mah suh se, Hnah tharin a hlui a thlâk thin 'vangin; Hun thara vul tur hnah thar thlâk ve nang che.