Khua A Lum
Tûrni thangvan a kai laiin, Lumin min bàwm, thlanin min bual; 'A lum,' tih hi ka ning, Min hrilh tawh suh, ka hriat hnu vek. Tûrni kawlah a herliam a, Chuti'n khuavêl thimin a bàwm. Beiseinain kan thlir - a dai mahna! Mahse, ni e, mahse, mahse, A lum reh lo, a thim ringawt! Kawlphetha awm, a zia a awm, Vai siam virmep vir vut hnuaiah; Kan thlan a dai, kan thu thluang duai. Karen awm lo erawh a ziaawm lo, Thim si, lum si, kan thlan dep dup. Ei a tui lo, thawh a tui lo, Mut a tui lo, mang a tha lo; Khaw lum hnuaiah rilru a mang, Lunglèn biahthu hril tur pawhin; Khaw lum hnuaiah lung a leng lo, Hei zawng ka hriat - KHUA A LUM! A LUM HUAM HUAM!