Bahzar

Mita hmuh leh benga hriat hi, A taka thleng a ni fo thin. Mita hmuh chu kan hria a, Benga hriat pawh kan hmu thei; Thinlunga a cham avangin! Thinlunga cham chu kan hmuh a ni a, Benga hriat pawh thinlungah a cham fo; Hmuh leh hriat a chian leh chian loh te, A ni, kan hriat reng thil te chu; Thinlunga hmun a valh thûk athuin a hril zâwk! Thinlunga awm chu pawnah a lang a, Thinlung chhungril chu hmelah; Nuih hi chhunglam vang a ni a, Tah pawh pawnlanga lang ni mah se, Thinlunga awm vang a ni zâwk! Thinlung chhung chu hmuh loh thil a ni a, Hmuh loh chu hmelah a rawn lang thung a! Thinlungin a ngaihtuah angin kan nung a, Rilru hawi loh dana nung kan awm bawk a; Chu chu thinlung thawnthu makna a ni! Hmuhsitna hi pawnlam thil a ni lo va, Chapona hi kut leh ke thil a ni lo; Mahni hmasialtu hi thinlung a ni a, Zâwldawhna pawh thinlung hnathawh! Duham, îtsik pawh - Thinlung thawnthu vang! Mihring ngaihtuah hun liama danglam chu, Thinlungah a vir vêl reng a; Cham ...

Chung chhawrthlapui khi ni ila, Zan duhawm takah mawi takin êng ila, Vansang thil mawi mawina tichiangtu kha; Nang chhuk bihtu a ni si a! Dawivaih thiamna neitu ni ila, Chhemthei kawrawng chhungah rimawi- Awmze nei lo hnawh khâwm ila! I hnên thleng se engtin ngai che maw!? Thla êng zungzam tel lo vansang chu, Chham hla tel lo khuavêl iangin, Midum hnungzang ang mai a ni a; Mit tan lawmna thlentu a ni lo! I thlir thin chhawrthla ni ila, Chuai hnu kha tharin inlar leh thei ila, Vulin par thar leh ta ila; Tuifinriat iangin ka phûl awm e! I thlir thin chhawrthla ni ila, Mawina duhawm zan lalnu iang, I mitah mawi leh duhawm ni ila; Lawmin pheichheh ka thai sual hial awm e! Tuipui kama hniak a ral leh thin a, Hriatrengna pawh nawh reh a ni fo a, Chutiang hniak chauh chu chang turin; Duhthusam ram pelh ka zuam lo ve!

Nghilh tur che ka ni a; chak mah ila ka chau a ni, Hlim tawp nena ka thlirna che khartung khar a ni a, Vansang-dum-pâwl tawng hial nang ngaihtuahna leh, Chhamhla mawi ber ianga thlum suangtuahna nen. Awi, suangtuahna mawi ber piahlamah chuan, He thinlung, i zun phur biru langsar si hi; Mahse, ni e; mahse, mual êng hmuh ka phal lo va; I tel lova nilen a huam tur a nih kha! Chhun ni ninawm a liam a, tlai khua a lo nguiin, Ka thlir thin chu chawl tura hliahkhuh a nih laiin, Phuartu hruihrual ka voh zawng chu kiang tur a ni a, Ka lei thuam mawi ka phelh ruala kiang tur. Mahse, tawnmang rama ka len rualin, Ani, i thinlung ram mawi panin ka tlân, ka tlân leh si! (28-2-2020 - 5:57PM)

Zàn hi ral se eng thil thleng maw? Zingtian bawharin min tho se engtin nge? Hmangaih hrui phuar ngheh zawng ngai reng, I heh mawina thlahlel chung leh, Si-ar mawina ngai reng hnuaiah, Hnim hring duahna hmun mawiah nen, 'Suanglungpui iang ka awm reng ang ;' Tiin thuthlung ka thlung thei lo. Hei erawh lairil thutiam - Ka thinlung chu i tan hnunghnûk, Tlang sang leh tahna ruam te, Ni êng mawi leh kawl hnîmah pawh, Sûl tam veiin hmangaih a tinghet ang. I tan ni leh daihlim, fimthli leh khuangruah; Tui luang kianga thing ianga duah zêlin, I tlai puarna ka ni fan ang.

I rawl rimawi ka hriat hma khan Ka thinlung chu rial ang a dai a, I hmangaih anka ka hriat hnuah; Lumna neiin ka nung leh ta! I chhingmit meng mawi ka hmuh hma khan Ka beiseina chu riakmaw iang chauh, Aw, hmangaih nui mawi, khâr lul teh suh; Hmangaih ram nuam kawngkhar mawi chu. Suangtuah vaia leng tawh hnu kha Hlimna parmawi ka chhar leh ta, Hmangaih heh mawi min pe lehin; A fawh turin par rimtui nen. Hmangaih tui fâwn - lairil thurûk, Nang leh ka tana voh bîk chu; Hmangaih lungphu ka tan a phu, Ka lungphu nen a inthumrawn!

Muslim hovin Delhi-ah khawmpui an nei a, Covid-19 an theh darh vak dawnin a lang tih chu a nawlpui titî a ni mai a. India ram khawpui ber Delhi-a khawmpui nei Tablighi Jamaat -te hi tute nge, eng pawl nge, engati nge Delhi-a khawmpui an neih? tihte hi pawn chhuak thei lova awm mekten i lo chhiar leh mai mai ang u hmiang. He pawl, Tablighi Jamaat hi Islam sakhaw zuitu - Muslim-te pawl pakhat niin, 1926 khan India hmarlam Mewat bialah Isalmic scholar Maulana Mohammed Illyas Kandhlawi chuan a din a ni. Mewat hi tunah chuan Haryana state-a district pakhat niin, India rama district changkâng lo/hnufûm ber pakhat niin, mi nuai 11 vel an chêng mek a. Mewat bialah hian 'Meo Muslim' inti nuai 5 vêl an awm a. Hengho hi a tirah Hindu sakhaw betute niin, Muslim-ah an inlet a. Hindu pathian - Rama, Krishna leh Arjuna thlah kal zêl niin an insawi a. Hindu leh Muslim sakhaw serh leh sâng la kawp an ni a, an hlâ te pawh Hindu epic -a innghat a ni hlawm a. Tûn thlengin Holi, Diwali l...

Ni tin mi za tam tak an thi a, chu aia tam daih chu an dam lo bawk a. Tunhmaa la hriat ngaih loh Coronavirus thar chu kum 2019 December thlaah China ram sumdawnna khawpui lian pakhat Wuhan atangin a rawn taidarh a. Chu virus chi thar chuan khawvel pumah thla a zar a, natna leh thihna a thlen bakah, na ve lo leh thi ve lote nun pawh - khawvela chanchina la awm ngai lo  thlentirin - a chawk buai belebut nasa hle mek a ni. Wuhan khawpui kawtthlêr chu a ruak hiai huai a. Indopui Pahnihna hnua pawn chhuah phal loh hun nasa ber chu ram tinah a thleng a. London khawpuiah chuan mipui punkhâwm luih luihna thin pub , bar leh theatre a ruak a. Inkhel ena mipui sing tam tak punkhâwmna hmun stadium pawh rauhsan a ni a. Khawvêl ram hrang hrangah thlawhna thlâwk tihtawp a ni a, a thlâwk laklawh laite pawh vansanga an awm laiin an tum ram thleng hman lova hruai kir an ni hial a.  Chu virus avanga na ve lo leh thi ve lote pawh chu in lamah kharkhip an ni a. Tumah inhnaih loh chu he v...

Kum 1979 a ni a. Saddam Hussein-an Iraq rama ro a rel tan tirh lam a ni. Kum 10 an tlin hmaa an nu leh pate remruatna hmanga innei Saddam-a leh a nupui Sadija Talfah-te pawh inrem leh inngeih taka an la inneih lai a ni a, fa pawh panga lai an nei a ni. Iraq ram hotupa Saddam-a chuan a nupui leh a fate himna chu a ngaihtuah hlê a. Ui huaisen, thu âwih thei, hlauh nei lo, fing, rinawm, inringtâwk, bengvar êm êm mai - Dobermann leiin, chu ui hmingah chuan 'Mukhtar' a sa a! Chu ui chu a nupui fanaute vengtu tura a tih avangin ngun taka zirtir a ni a. 'Mukhtar, go' an tih hlek chuan an bula awm ve midang chu a bei nghâl chat mai thin a ni. Ni khat chu, Saddam-a nupui Sajida chu an in bula tuikhuahah a chêng a. Tuikhuah atanga a rawn chhuak, a towel a lâk dawn lai vêl tak chuan an ui chu lo kalin, tuikhuah kotlangah chuan a lo ding ve ran a. Sajida chu hmeichhe nunrâwng tak, an chhiahhlawhte pawh tiduhdah fo thin a ni a, an rante chungah pawh ngilnei lo zet a ni a. ...