Mary Kom
“Ka medal dawn zawng zawng hian tawrhna nasa tak leh theihtawp chhuaha beihna chanchin ngaihnawm tak a nei vek a ni,” titu MC Mary Kom hi keini kawm phâkah a awm ngai rih lo va. Mahse, a kawm phate kawmna erawh kan ziak chhâwng ve pha tal a, a ngaihnawm. Asian Boxing Championship 2019-ah khan gold medal a la leh a, a chanchin hi kan han tharthawh leh a. Bahzar lo chhiar tawh thinte chuan a chanchin eng emaw chen chu in lo hre tawh tho naa, in hriat lohte pawh a tel maithei e.
World Champion pawh tum nga lai lo ni tawh Mary Kom hi Olympics-ah pawh bronze medal la tawh a ni a. Boxing lama a thawh hlâwk êm avang hian Rajya Sabha MP-ah ruat a ni a, chu bâkah India ram chhunga infiamna lamah hna a nei nual bawk a. Pasal fanau enkawl a ni a, amahin Academy a nei bawk a; chuti chunga Asian champion a ni leh thei hi pui tak a ni.
Vietnam khawpui Ho Chi Minh-a khelh zawh taka a champion chiah khan Mary Kom hi Asia khawmualpui huap inelnaa gold medal panga la thei hmasa ber a ni a. Medal a la tam tawh naa, “He medal hi ka medal dangte ang bawka special a ni. Medal ka dawn tawh zawng zawng hian anmahni pual theuhvin tawrhna nasa tak leh theihtawp chhuaha beihna chanchin ngaihnawm tak nei vek an ni,” a ti a. “He medal hi MP ka nih hnua ka dawn a nih avangin ka dinhmun pawh a tiropui zual sawtin ka ring a ni,” a ti bawk.
Kum 35-a upa Mary Kom hi top level boxer ni chung hian MP a ni a, Parliament Session-ah MP dang angin a kal lo ve mai mai ngai lo a, fa pathum a nei a, Manipur mi a ni daih bawk a. Chu mai chu ni lovin, Imphal-ah boxing academy a nei bawk a, fakawm tak a ni.
“MP active tak ka ni a, Parliament-ah ka kal fo a ngai a, chu mai piah lamah chuan he championship atan hian ka training a ngai a, sorkar hnuaiah sports observer ka nih avangin ka vah chhuah reng a ngai a, heti khawpa ka buaina hi mite hian min hriatsak ve ka beisei a ni,” a ti a. “Hna pawimawh tak tak ka kawp tun a, fapa pathum ka nei bawk a, engtin nge ka tlin zâwk tih hi kei pawhin ka inzâwt hial thin,” a ti bawk.
International Boxing Association (AIBA) chuan world champion tum nga ni tawh hi kum 2010 daih tawh khan ‘Magnificent Mary’ tiin hming lem an lo phuahsak daih tawh a; nikum khan ‘AIBA Legends’ huangah chhiar tel niin, chu chu boxing-a chawimawina sang tak a ni.
Mary chuan a nun hman dan chu a chang chuan hahthlak a tih ve thin thu sawiin, mahse, tlawm mai erawh a tum hauh lo a. “Hemi (Asian Championship) zawh hian IOC Athletes Forum-a tel turin Lausanne ka kal a ngai a, ka chauh theih êm avangin zin te hi ka hnê tawh a. Ni khata airport pahniha kal ngaite hi ka kham thin. Mahse, ka kova tla mawhphurhna hi tlanchhiatsan ka tum lo,” a ti.
Kum sawmhnih dawn boxer niin, kum 35 a nih a, nu tak tak a nih hnu leh, India rama Parliament member a nih daih tawh hnuah pawh a la khel thei hlê a, Asia khawmualpui ramte inelnaah pawh a khing pha an la awm lo zêl mai theite hi thil mak a ni a. A tumpuite chuan an hlau laklawh niin a hriat thu sawiin, “World champion vawi nga ka nih tawhna hian ka hnekpui turte lakah hian awmzia a nei deuh em ni ka ti thin a, kan inhnek hma hauh hian min hlauh rûkna an nei thin niin ka hria. A chang chuan min hnek that ngam loh avangin ka thinrim lek lek thin a, mahse, boxer ka nih chuan min hnek buan buantu leh min hnek tha ngam vak lo kha kan elpuite an nih avangin an inang reng a ni,” a ti hmiah mai!
Olympics-ah medal lâk ve ngei a duh avangin a weight pangngai aia sang, 51kg category-ah a tel a, bronze a la ta a. Chumi hnuah a weigth pangngai, 48kg category-ah a khel leh a, “Inelna a sang tawh viau a, ka rihna dik tak zawka ka khel leh hi ka tan pawh a tha khawp mai. Vietnam-a ka khelhpui thenkhat kha chu 51kg-a khel thin ve thote an ni a, ka hneh thei kha ka tan chuan lawmna tur a tling zêl a ni,” a ti bawk.
Pathian sawi langin Mary chuan, “Ka fit reng thei hi Pathian malsawmna liau liau a ni a, a hnêna lawmthu sawi mai loh chu thil dang a awm lo. Taksa fit tha ka nei a, ka hliampui ka tuar ngai bawk lo a, ka chakna hnar ber chu ka taksa fit hi a ni,” a ti.
World Champion pawh tum nga lai lo ni tawh Mary Kom hi Olympics-ah pawh bronze medal la tawh a ni a. Boxing lama a thawh hlâwk êm avang hian Rajya Sabha MP-ah ruat a ni a, chu bâkah India ram chhunga infiamna lamah hna a nei nual bawk a. Pasal fanau enkawl a ni a, amahin Academy a nei bawk a; chuti chunga Asian champion a ni leh thei hi pui tak a ni.
Vietnam khawpui Ho Chi Minh-a khelh zawh taka a champion chiah khan Mary Kom hi Asia khawmualpui huap inelnaa gold medal panga la thei hmasa ber a ni a. Medal a la tam tawh naa, “He medal hi ka medal dangte ang bawka special a ni. Medal ka dawn tawh zawng zawng hian anmahni pual theuhvin tawrhna nasa tak leh theihtawp chhuaha beihna chanchin ngaihnawm tak nei vek an ni,” a ti a. “He medal hi MP ka nih hnua ka dawn a nih avangin ka dinhmun pawh a tiropui zual sawtin ka ring a ni,” a ti bawk.
Kum 35-a upa Mary Kom hi top level boxer ni chung hian MP a ni a, Parliament Session-ah MP dang angin a kal lo ve mai mai ngai lo a, fa pathum a nei a, Manipur mi a ni daih bawk a. Chu mai chu ni lovin, Imphal-ah boxing academy a nei bawk a, fakawm tak a ni.
“MP active tak ka ni a, Parliament-ah ka kal fo a ngai a, chu mai piah lamah chuan he championship atan hian ka training a ngai a, sorkar hnuaiah sports observer ka nih avangin ka vah chhuah reng a ngai a, heti khawpa ka buaina hi mite hian min hriatsak ve ka beisei a ni,” a ti a. “Hna pawimawh tak tak ka kawp tun a, fapa pathum ka nei bawk a, engtin nge ka tlin zâwk tih hi kei pawhin ka inzâwt hial thin,” a ti bawk.
International Boxing Association (AIBA) chuan world champion tum nga ni tawh hi kum 2010 daih tawh khan ‘Magnificent Mary’ tiin hming lem an lo phuahsak daih tawh a; nikum khan ‘AIBA Legends’ huangah chhiar tel niin, chu chu boxing-a chawimawina sang tak a ni.
Mary chuan a nun hman dan chu a chang chuan hahthlak a tih ve thin thu sawiin, mahse, tlawm mai erawh a tum hauh lo a. “Hemi (Asian Championship) zawh hian IOC Athletes Forum-a tel turin Lausanne ka kal a ngai a, ka chauh theih êm avangin zin te hi ka hnê tawh a. Ni khata airport pahniha kal ngaite hi ka kham thin. Mahse, ka kova tla mawhphurhna hi tlanchhiatsan ka tum lo,” a ti.
Kum sawmhnih dawn boxer niin, kum 35 a nih a, nu tak tak a nih hnu leh, India rama Parliament member a nih daih tawh hnuah pawh a la khel thei hlê a, Asia khawmualpui ramte inelnaah pawh a khing pha an la awm lo zêl mai theite hi thil mak a ni a. A tumpuite chuan an hlau laklawh niin a hriat thu sawiin, “World champion vawi nga ka nih tawhna hian ka hnekpui turte lakah hian awmzia a nei deuh em ni ka ti thin a, kan inhnek hma hauh hian min hlauh rûkna an nei thin niin ka hria. A chang chuan min hnek that ngam loh avangin ka thinrim lek lek thin a, mahse, boxer ka nih chuan min hnek buan buantu leh min hnek tha ngam vak lo kha kan elpuite an nih avangin an inang reng a ni,” a ti hmiah mai!
Olympics-ah medal lâk ve ngei a duh avangin a weight pangngai aia sang, 51kg category-ah a tel a, bronze a la ta a. Chumi hnuah a weigth pangngai, 48kg category-ah a khel leh a, “Inelna a sang tawh viau a, ka rihna dik tak zawka ka khel leh hi ka tan pawh a tha khawp mai. Vietnam-a ka khelhpui thenkhat kha chu 51kg-a khel thin ve thote an ni a, ka hneh thei kha ka tan chuan lawmna tur a tling zêl a ni,” a ti bawk.
Pathian sawi langin Mary chuan, “Ka fit reng thei hi Pathian malsawmna liau liau a ni a, a hnêna lawmthu sawi mai loh chu thil dang a awm lo. Taksa fit tha ka nei a, ka hliampui ka tuar ngai bawk lo a, ka chakna hnar ber chu ka taksa fit hi a ni,” a ti.
Comments
Post a Comment