Inernet/World Wide Web
Kum 1989 March ni 12 khan Sir tim Berners-Lee chuan world wide web atana a rawtna (proposal) chu theh lutin, pawm a ni a. US Congress-ah chuan 'The High Performance Computing Act' chu pass a ni a; US Vice-President hlui Al Gore chu he act thlawptu hmasa ber zinga mi a ni nghe nghe. Tichuan, 'information superhighway' an tih mai, internet chu a intan ta a ni.
1994 a lo ni a, US President Bill Clinton leh Sweden Prime Minister Carl Bildt-te chu khawvel ram hruaitu-te zingah world wide web hmanga email inthawn hmasa ber an ni a. President Clinton hian Prime Minister Bildt hi America-in sumdawnna kawnga Vietnam a hrêkna a hlih chungchanga a support-naah lawmthu a hrilh a ni.
Kum 2000 a ni a, US-a hmun nei Pew Research Center chuan internet hman dan chu an zir a, khawvel mihring zâtve vel lai chu an lo 'online' reng tawh mai tih an hmu chhuak!
Khatih hun lai vela internet hmang thinte chuan tun thlengin dial-up tone ri veng vengte kha in benga ri angin in la hre thei hial ang. Ri vet vet, ri chher leh teng lek lek kha web portal hmasaho min hriat chhuahtirtu a ni a, hei hi hre rengin Google pawhin internet kum 30 a tlinna lawmna atan an hompage-ah an dah nghe nghe kha.
Tunah chuan India ram ngeiah pawh 4G kan hmang tawh a, ram changkangah phei chuan 5G an hmang tawh. Naupang deuh chuan dial-up tone kha an hre tawh lo hial ang. I hriat duh chuan google-ah 'dial-up tone' han search teh! A hre tawh thin tan chuan lunglenthlak ve deuh a ni.
Kum zabi 19-na lai vel khan computing technology hmasa ber hi British mathematician Charles Babbage chuan a lo ngaihtuah chhuak tawh a. Mahse, 1939 velah computer hmasa ber chu siam a ni chauh a. 1960 bawr chhovah MIT Graduate zirlai pahnih chuan computer pakhat atanga computer danga information pek/hlan chhawn dan an ngaihtuah chhuak a. Hetianga computer pahnih thlun zawmna (interconnectivity) hi 'Aparnet' an ti a; hei hi internet bul intanna ni-a ngaih a ni.
He thiam thil (technology) hi US chuan Cold War lai khan an ram humhimna thilah a hmang deuh ber a. Hemi hnu kum sawm hnih inban liam lehah Tim Berners-Lee chuan computer tam zawk inzawm theih dan tur a rawn duang chhuak ta a. Tichuan, internet browser leh world wide web chu a lo piang ta a ni.
Tunlaiah chuan internet chu khawl maktaduai tam tak inzawm a ni tawh a, browser pawh kan duh duh kan hmang thei tawh a (Google Chrome, Mozilla Firefox, etc). 'Browser' tih tawngkam hi Berners-Lee hman chhuah (coined) a ni an ti a. Web address hmasa ber chu http://info.cern.ch/ a ni a, tun thlengin hei hi a la awm reng.
Mi tam tak chuan internet leh world wide web hi kan hriat pawlh a, mahse, thil pawi a ni lem lo ang. World wide web (a tawi zawngin 'www') chu computer hrang hrang inzawm khâwma webpage hrang hrangte sawina a ni a. Chung web page-te en a, khawihnan chuan internet hman a ngai ta a ni.
Eng pawh ni se, inrnet leh web hre hrang lo pawhin kan bazar thei a, video kan en thei a, rimawi kan ngaithla thei bawk a. Internet hmanga millionaire ni ta leh ni mek tam tak pawh hian a kip a kawi an hre kher lo. A pawimawh ber chu hman thiam lai hi a ni. He internet khawvel, tlanchhiatsan theih miah lohva min hneh mektu hi a tha zawnga hman thiam i zir ang u.
1994 a lo ni a, US President Bill Clinton leh Sweden Prime Minister Carl Bildt-te chu khawvel ram hruaitu-te zingah world wide web hmanga email inthawn hmasa ber an ni a. President Clinton hian Prime Minister Bildt hi America-in sumdawnna kawnga Vietnam a hrêkna a hlih chungchanga a support-naah lawmthu a hrilh a ni.
Kum 2000 a ni a, US-a hmun nei Pew Research Center chuan internet hman dan chu an zir a, khawvel mihring zâtve vel lai chu an lo 'online' reng tawh mai tih an hmu chhuak!
Khatih hun lai vela internet hmang thinte chuan tun thlengin dial-up tone ri veng vengte kha in benga ri angin in la hre thei hial ang. Ri vet vet, ri chher leh teng lek lek kha web portal hmasaho min hriat chhuahtirtu a ni a, hei hi hre rengin Google pawhin internet kum 30 a tlinna lawmna atan an hompage-ah an dah nghe nghe kha.
Tunah chuan India ram ngeiah pawh 4G kan hmang tawh a, ram changkangah phei chuan 5G an hmang tawh. Naupang deuh chuan dial-up tone kha an hre tawh lo hial ang. I hriat duh chuan google-ah 'dial-up tone' han search teh! A hre tawh thin tan chuan lunglenthlak ve deuh a ni.
Kum zabi 19-na lai vel khan computing technology hmasa ber hi British mathematician Charles Babbage chuan a lo ngaihtuah chhuak tawh a. Mahse, 1939 velah computer hmasa ber chu siam a ni chauh a. 1960 bawr chhovah MIT Graduate zirlai pahnih chuan computer pakhat atanga computer danga information pek/hlan chhawn dan an ngaihtuah chhuak a. Hetianga computer pahnih thlun zawmna (interconnectivity) hi 'Aparnet' an ti a; hei hi internet bul intanna ni-a ngaih a ni.
He thiam thil (technology) hi US chuan Cold War lai khan an ram humhimna thilah a hmang deuh ber a. Hemi hnu kum sawm hnih inban liam lehah Tim Berners-Lee chuan computer tam zawk inzawm theih dan tur a rawn duang chhuak ta a. Tichuan, internet browser leh world wide web chu a lo piang ta a ni.
Tunlaiah chuan internet chu khawl maktaduai tam tak inzawm a ni tawh a, browser pawh kan duh duh kan hmang thei tawh a (Google Chrome, Mozilla Firefox, etc). 'Browser' tih tawngkam hi Berners-Lee hman chhuah (coined) a ni an ti a. Web address hmasa ber chu http://info.cern.ch/ a ni a, tun thlengin hei hi a la awm reng.
Mi tam tak chuan internet leh world wide web hi kan hriat pawlh a, mahse, thil pawi a ni lem lo ang. World wide web (a tawi zawngin 'www') chu computer hrang hrang inzawm khâwma webpage hrang hrangte sawina a ni a. Chung web page-te en a, khawihnan chuan internet hman a ngai ta a ni.
Eng pawh ni se, inrnet leh web hre hrang lo pawhin kan bazar thei a, video kan en thei a, rimawi kan ngaithla thei bawk a. Internet hmanga millionaire ni ta leh ni mek tam tak pawh hian a kip a kawi an hre kher lo. A pawimawh ber chu hman thiam lai hi a ni. He internet khawvel, tlanchhiatsan theih miah lohva min hneh mektu hi a tha zawnga hman thiam i zir ang u.
Comments
Post a Comment