Arvind Kejriwal - IRS Ve Si!
Kejriwal - IRS Ve Si!
Sweater nghawng V, a hnuaiah kamis var - hei hi Delhi Chief Minister Arvind Kejriwal-a inchei dan tlangpui a ni. Coat suit a ha i hmu tawh em? Thawmhnaw man to hmel tak a inbel i hmu tawh em? A mak ngawt mai! Delhi Chief Minister ni nawn awn awn thei, sorkar hna a thawh lai pawha Mizo Kristian tam takin 'hna mawm' kan tih zinga tel ve ngei ngei tur - Income Tax Commissioner ni thei, nupa paa Indian Revenue Service (IRS) Officer ni thei kha an ni a, thawmhnaw man to ha thei chu an ni ve alâwm! Mahse, Delhi CM ni leh tura thlan tlin a nih a, a party - Aam Aadmi Party-in hnehna an chan ni te khan Aizawl bazarah pawh cheng zaa lei theih chi muffler tial a rawn bât chhuak a nih kha!
Kum 2015 inthlan dawn khan a rohlu neih zawng zawng chu cheng vaibelchhe hnih leh maktaduai khat hu a ni a. Delhi Chief Minister term a chelh pumhlûm thak a. Kum nga a ral leh meuh, 2020 January thlaah chuan a rohlu neih hlutna hi cheng vaibelchhe thum leh maktaduai li a lo tling ve ta daih mai! Kum nga chhung khan cheng vaibelchhe khat leh maktaduai thumin a rohlu hlutna a pung hman a nih chu!
Kum 2015 khan ina a kawl leh bank-a a dah zawng zawng belhkhâwmin pawisa - cheng nuai hnih leh sîng hnih a nei a. Kumin kum tir a lo nih chuan cheng nuai kua leh sîng ruk lai a nei hman ta a. Lâk sawn theih loh rohlu a neih hlutna hi kum 2015-ah cheng nuai 92 man a tling a, kum nga hnuah chuan cheng vaibelchhe khat leh maktaduai sarih hu a ni ve ta a. Mahse, a neih belh lêm lo. Kum nga chhungin a thil neih hlutna chu a lo sang chho ve mai zawk niin AAP hruaitute chuan an sawi. A dik a rinawm.
A nupui, ama duhthua IRS officer bansan hian voluntary retirement scheme atangin cheng nuai 32 a dawng a, chumi leh a neih sa nen, tûnah hian bank-a a dah leh a kuta sum awm zawng zawng chu cheing nuai 57 a ni.
Kejriwal chhungkua hian kum nga liamta chhung khan Maruti car pakhat an neih belh a, rangkachak gram 20 leh silver kg chanve an neih belh bawk a. An ram neih leh an thil hlu neihte kum nga chhunga a hlutna sang ve zêl chhût chuan kum nga chhunga cheng vaibelchhe khat leh maktaduai thuma an hausakna a pung hi thil mak a ni lo. A aia mak zawk chu - politician ve si, sum leh pai lâk luh leh enkawl kawnga harsatna nei lo tur, nupa paa IRS officer ni thei ve ve ni bawk si; kum nga chhunga maktaduai tam taka an hausa ve thei lo hi a ni!
Kum nga liamta chhung khan ram leh in an lei thar lo va, Kejriwal hian ram pakhat a rochung thung a. Indirapuram, Uttar Pradesh-a Kejriwal-a ram chu kum 2015 khan cheng nuai 55 man hu niin an chhût a, kuminah hian he ram hi cheng vaibelchhe 1.40 man a ni tawh an ti. Tichuan, a rohlu neih hlutna, kum nga chhunga a punna kha han ngaihtuah teh! IRS ve si!
Kejriwal-a hi IRS ve meuh si, mahni inhaivûr a thiam lo êm êm hi a mak zawk! A makzia lanna turin kan ram politician-te nen han khaikhin dawn chhin teh ang!
Mizoram Election Watch (MEW) leh Association for Democratic Reforms (ADR) ten an affidavit theh luh atanga an hriat an sawi danin, kum 2013 Mizoram Assembly inthlan dawn khan khatih laia Congress candidate Lal Rinliana Sailo khan a rohlu zawng zawng chu cheng nuai 36 chuang hret a ni tih a tarlang a. Mahse, MNF zawm a, kum 2018 inthlan a chuh leh dawn khan a rohlu neih zawng zawng hlutna chu vaibelchhe thum leh maktaduai hnih chuang hret a ni ta daih mai! A hausakna punna hi kum nga chhungin za zêlah 797 a ni hem mai a nih chu! Delhi CM, khuh berh berh reng mai Kejriwal ai chuan Mizoram Health Minister hlui hian sum enkawl a thiam zawk a ni chiang mai!
Hmân deuh khan Mizoram Chief Minister chuan khaw pakhatah, "Ka chhungte pawh ni se kan party mi leh sa ni lo chu, chuti khati.." a ti nite khan an sawi a! Kejriwal ve hi chu Nilai zan pawh a inkhâwm ngai lo, hmânah, Kolkata-ah Mother Teresa pawl - Missionaries of Charity-ah volunteer a ni ve zawk tawh tih loh, rawngbawlna lama chhuan tur nei lo; Kristian pawl chawimawina dawn te chu sawi loh, thusawi tura sawm pawh an sawm ngai loh a ni a. Mahse, Delhi Chief Minister ni nawn tura an lâk luh lehna inkhâwmah te khan, "Inthlan a zo a, in vote te chu tute nge tih a pawimawh tawh lo. Min vote emaw vote lo emaw, Delhi chhungkua zawng zawngte hmasâwnna atan ka thawk dawn a, mi zawng zawng tan a ni. Party hrang ka sawi dawn lo va, eng sakhaw bia nge tih ka sawi dawn lo. Delhi-a awm zawng zawngte chu ka chhungte vek an ni a, tute lakah mah nuhrawn angin ka awm dawn lo. BJP leh Congress tantute tan pawh CM ka ni ang,” a ti hmiah mai zu nia! India ram politics, mahni elpuite laka thubuai insiam-siakna politics-a politician ni ve awm lo takin, "Mi zawng zawng tana hnathawh ka duh a, campaign laia min beihnaah ka elpuite ka ngaidam vek a ni," a ti bawk a nih chu!
Kan thupui ber chu - Kejriwal te ang, IRS Officer ve meuh, kum nga chhunga a hausa hman lo hi a ni! Chu aia mak, kan thupui ni lo, sawi ve ngai erawh chu - Kum sawmthum aia tam Mizo Kristian, mahni awmna Kohhrana rawngbawltu ni pha, Nilai zan inkhâwm thin Chief Minister nei thin Mizote hian milem bia kan tih vaiho hming, kan CM atana awt deuh titiha kan sawi reng mai hi a ni! Hmânah Manik Sarkar kan ti a, a hnu leh deuhah Nitish Kumar kan ti leh a, tûnah Arvind Kejriwal!
Keini zawng, mi chanchin sawi hian kan chilthli a far reng bîk dawn a nih hi! Mi hian min ang si lo va!
Sweater nghawng V, a hnuaiah kamis var - hei hi Delhi Chief Minister Arvind Kejriwal-a inchei dan tlangpui a ni. Coat suit a ha i hmu tawh em? Thawmhnaw man to hmel tak a inbel i hmu tawh em? A mak ngawt mai! Delhi Chief Minister ni nawn awn awn thei, sorkar hna a thawh lai pawha Mizo Kristian tam takin 'hna mawm' kan tih zinga tel ve ngei ngei tur - Income Tax Commissioner ni thei, nupa paa Indian Revenue Service (IRS) Officer ni thei kha an ni a, thawmhnaw man to ha thei chu an ni ve alâwm! Mahse, Delhi CM ni leh tura thlan tlin a nih a, a party - Aam Aadmi Party-in hnehna an chan ni te khan Aizawl bazarah pawh cheng zaa lei theih chi muffler tial a rawn bât chhuak a nih kha!
Kum 2015 inthlan dawn khan a rohlu neih zawng zawng chu cheng vaibelchhe hnih leh maktaduai khat hu a ni a. Delhi Chief Minister term a chelh pumhlûm thak a. Kum nga a ral leh meuh, 2020 January thlaah chuan a rohlu neih hlutna hi cheng vaibelchhe thum leh maktaduai li a lo tling ve ta daih mai! Kum nga chhung khan cheng vaibelchhe khat leh maktaduai thumin a rohlu hlutna a pung hman a nih chu!
Kum 2015 khan ina a kawl leh bank-a a dah zawng zawng belhkhâwmin pawisa - cheng nuai hnih leh sîng hnih a nei a. Kumin kum tir a lo nih chuan cheng nuai kua leh sîng ruk lai a nei hman ta a. Lâk sawn theih loh rohlu a neih hlutna hi kum 2015-ah cheng nuai 92 man a tling a, kum nga hnuah chuan cheng vaibelchhe khat leh maktaduai sarih hu a ni ve ta a. Mahse, a neih belh lêm lo. Kum nga chhungin a thil neih hlutna chu a lo sang chho ve mai zawk niin AAP hruaitute chuan an sawi. A dik a rinawm.
A nupui, ama duhthua IRS officer bansan hian voluntary retirement scheme atangin cheng nuai 32 a dawng a, chumi leh a neih sa nen, tûnah hian bank-a a dah leh a kuta sum awm zawng zawng chu cheing nuai 57 a ni.
Kejriwal chhungkua hian kum nga liamta chhung khan Maruti car pakhat an neih belh a, rangkachak gram 20 leh silver kg chanve an neih belh bawk a. An ram neih leh an thil hlu neihte kum nga chhunga a hlutna sang ve zêl chhût chuan kum nga chhunga cheng vaibelchhe khat leh maktaduai thuma an hausakna a pung hi thil mak a ni lo. A aia mak zawk chu - politician ve si, sum leh pai lâk luh leh enkawl kawnga harsatna nei lo tur, nupa paa IRS officer ni thei ve ve ni bawk si; kum nga chhunga maktaduai tam taka an hausa ve thei lo hi a ni!
Kum nga liamta chhung khan ram leh in an lei thar lo va, Kejriwal hian ram pakhat a rochung thung a. Indirapuram, Uttar Pradesh-a Kejriwal-a ram chu kum 2015 khan cheng nuai 55 man hu niin an chhût a, kuminah hian he ram hi cheng vaibelchhe 1.40 man a ni tawh an ti. Tichuan, a rohlu neih hlutna, kum nga chhunga a punna kha han ngaihtuah teh! IRS ve si!
Kejriwal-a hi IRS ve meuh si, mahni inhaivûr a thiam lo êm êm hi a mak zawk! A makzia lanna turin kan ram politician-te nen han khaikhin dawn chhin teh ang!
Mizoram Election Watch (MEW) leh Association for Democratic Reforms (ADR) ten an affidavit theh luh atanga an hriat an sawi danin, kum 2013 Mizoram Assembly inthlan dawn khan khatih laia Congress candidate Lal Rinliana Sailo khan a rohlu zawng zawng chu cheng nuai 36 chuang hret a ni tih a tarlang a. Mahse, MNF zawm a, kum 2018 inthlan a chuh leh dawn khan a rohlu neih zawng zawng hlutna chu vaibelchhe thum leh maktaduai hnih chuang hret a ni ta daih mai! A hausakna punna hi kum nga chhungin za zêlah 797 a ni hem mai a nih chu! Delhi CM, khuh berh berh reng mai Kejriwal ai chuan Mizoram Health Minister hlui hian sum enkawl a thiam zawk a ni chiang mai!
Hmân deuh khan Mizoram Chief Minister chuan khaw pakhatah, "Ka chhungte pawh ni se kan party mi leh sa ni lo chu, chuti khati.." a ti nite khan an sawi a! Kejriwal ve hi chu Nilai zan pawh a inkhâwm ngai lo, hmânah, Kolkata-ah Mother Teresa pawl - Missionaries of Charity-ah volunteer a ni ve zawk tawh tih loh, rawngbawlna lama chhuan tur nei lo; Kristian pawl chawimawina dawn te chu sawi loh, thusawi tura sawm pawh an sawm ngai loh a ni a. Mahse, Delhi Chief Minister ni nawn tura an lâk luh lehna inkhâwmah te khan, "Inthlan a zo a, in vote te chu tute nge tih a pawimawh tawh lo. Min vote emaw vote lo emaw, Delhi chhungkua zawng zawngte hmasâwnna atan ka thawk dawn a, mi zawng zawng tan a ni. Party hrang ka sawi dawn lo va, eng sakhaw bia nge tih ka sawi dawn lo. Delhi-a awm zawng zawngte chu ka chhungte vek an ni a, tute lakah mah nuhrawn angin ka awm dawn lo. BJP leh Congress tantute tan pawh CM ka ni ang,” a ti hmiah mai zu nia! India ram politics, mahni elpuite laka thubuai insiam-siakna politics-a politician ni ve awm lo takin, "Mi zawng zawng tana hnathawh ka duh a, campaign laia min beihnaah ka elpuite ka ngaidam vek a ni," a ti bawk a nih chu!
Kan thupui ber chu - Kejriwal te ang, IRS Officer ve meuh, kum nga chhunga a hausa hman lo hi a ni! Chu aia mak, kan thupui ni lo, sawi ve ngai erawh chu - Kum sawmthum aia tam Mizo Kristian, mahni awmna Kohhrana rawngbawltu ni pha, Nilai zan inkhâwm thin Chief Minister nei thin Mizote hian milem bia kan tih vaiho hming, kan CM atana awt deuh titiha kan sawi reng mai hi a ni! Hmânah Manik Sarkar kan ti a, a hnu leh deuhah Nitish Kumar kan ti leh a, tûnah Arvind Kejriwal!
Keini zawng, mi chanchin sawi hian kan chilthli a far reng bîk dawn a nih hi! Mi hian min ang si lo va!
Comments
Post a Comment