Thuawih - Kan Damna
Kan hriat hnu vek. Sawi reng ngai thung chu - Covid-19 pumpelhna awmchhun chu chhuah rih loh a ni.
Kan vannei. China te, Italy te, Iran te, South Korea-te entawn tur kan nei. Kan vannei takzet. China ramah khan an hriat chhuah hmain mi sang tam tak an inkai hman ang tih a lang.
Mi ramah an kai a, an thi phuk phuk a. Mizoram kan vanneihzia hi. Case pakhat pawh kan neih hmain sorkarin ruahmanna tha tak a siam. Sawiselbo a ni lo maithei, mahse, hei aia tha hi chu beisei tur a awm vak chuang lo. Kan nat hma, kan thih hmaa Village level thlenga task force din a ni a, hma lak a ni hi kan vanneih phah ngei ang.
Chutih lai chuan, mâwl tlat, thu awih lo tlat kan awm. Chhuah loh tur tih hi hremna a ni lo. He ram, he hnam, i khawtlang, i chhungkua leh nangmah ngei i damna tur a ni.
I chhungte phai atanga lo haw an awm em? Vei turah dah tawp rawh. Khung hrang satliah suh. He virus kai tura mahni chhungte leh mahni ngei inngaih hi thil harsa tak a ni dawn. Mahse, keimah lo (midang zawng zawng) hi chu kai vekah ngai ila, chu chu damna tluantling a ni rih.
Ni tin mamawh kan nei, a tel lovin kan nung thei lo. Chu chu hriain sorkarin ruahmanna a siam. Sorkarin i thatna tur, i damna tura ruahmanna a siam hi zawm rawh. I nunna hmangaih la, i chenpuite i hmangaihna chu mi dang hnaih loh, tumah rin loh kha a lanchhuahtir dan a ni tawp rih.
Leng chhuak thei nih kha a ropui lo. Mi inah leng suh. In inah pawh tumah lentir suh. Village level task force te, district level task force-te an intithu tiin dem suh. Nakinah, kan nat a, kan thih hunah an hmalakna hi kan la ngai dawn.
Dawrah i mamawh chauh lei la, chhêk khâwl vak suh. Mi dang pawhin an mamawh tih hre ve reng rawh. Nakinah, a van tak tak hunah, i lo neih bik chuan, thih ai chuan tiin - a nei ve loten an rawn chhuhsak tho ang che. Sem sem dam dam, ei bil thi thi tih hi a la thleng dik lo ang tih a sawi theih loh.
Task force member te, police te, health department-a thawktute hian i tan an nun an risk tih hriain zah la, lâwm rawh. An tan thahnemngai takin tawngtai rawh.
Tun hi intihsek hun a ni lo. Intih PA hun a ni lo. Intih fin hun pawh a ni hek lo. Thuawih hun a ni.
Kan vannei. China te, Italy te, Iran te, South Korea-te entawn tur kan nei. Kan vannei takzet. China ramah khan an hriat chhuah hmain mi sang tam tak an inkai hman ang tih a lang.
Mi ramah an kai a, an thi phuk phuk a. Mizoram kan vanneihzia hi. Case pakhat pawh kan neih hmain sorkarin ruahmanna tha tak a siam. Sawiselbo a ni lo maithei, mahse, hei aia tha hi chu beisei tur a awm vak chuang lo. Kan nat hma, kan thih hmaa Village level thlenga task force din a ni a, hma lak a ni hi kan vanneih phah ngei ang.
Chutih lai chuan, mâwl tlat, thu awih lo tlat kan awm. Chhuah loh tur tih hi hremna a ni lo. He ram, he hnam, i khawtlang, i chhungkua leh nangmah ngei i damna tur a ni.
I chhungte phai atanga lo haw an awm em? Vei turah dah tawp rawh. Khung hrang satliah suh. He virus kai tura mahni chhungte leh mahni ngei inngaih hi thil harsa tak a ni dawn. Mahse, keimah lo (midang zawng zawng) hi chu kai vekah ngai ila, chu chu damna tluantling a ni rih.
Ni tin mamawh kan nei, a tel lovin kan nung thei lo. Chu chu hriain sorkarin ruahmanna a siam. Sorkarin i thatna tur, i damna tura ruahmanna a siam hi zawm rawh. I nunna hmangaih la, i chenpuite i hmangaihna chu mi dang hnaih loh, tumah rin loh kha a lanchhuahtir dan a ni tawp rih.
Leng chhuak thei nih kha a ropui lo. Mi inah leng suh. In inah pawh tumah lentir suh. Village level task force te, district level task force-te an intithu tiin dem suh. Nakinah, kan nat a, kan thih hunah an hmalakna hi kan la ngai dawn.
Dawrah i mamawh chauh lei la, chhêk khâwl vak suh. Mi dang pawhin an mamawh tih hre ve reng rawh. Nakinah, a van tak tak hunah, i lo neih bik chuan, thih ai chuan tiin - a nei ve loten an rawn chhuhsak tho ang che. Sem sem dam dam, ei bil thi thi tih hi a la thleng dik lo ang tih a sawi theih loh.
Task force member te, police te, health department-a thawktute hian i tan an nun an risk tih hriain zah la, lâwm rawh. An tan thahnemngai takin tawngtai rawh.
Tun hi intihsek hun a ni lo. Intih PA hun a ni lo. Intih fin hun pawh a ni hek lo. Thuawih hun a ni.
Comments
Post a Comment