Mi Hausate Hausakna A Tlahniam Lo

-

Mi hausa mai an ni lo va, mi hausa tawntaw (super-rich) tih an ni. Khawvela mi hausa  tawntaw, sum nei tam zual 25 te sum neih zat belh khawm hi  khawvêla hripui a len tak tak tan kumin March ni 23 hnu khan US dollar tlûklehdingâwn 255 zetin a pung an ti!

Heng mi 25-te sum neih zat belh khâwm hi US dollar 1.5 trillion a ni a. Hei hi khawvêla mi hausa tawntaw (billioanire) rual sum neih zat belh khawm za zela 16 zet a tling a ni.

Lockdown chhunga hausakna pung nasa ber chu Facebook CEO Mark Zuckerberg a ni a. Thla hnih chhungin a hausakna hi za zela 60 velin a pung hman an ti. Zuckerberg hian tunah hian dollar tlûklehdingâwn 86.5 a nei an ti a. A hmaa khawvela mi hausa 7-na ni kha, tunah hian 4-naah a kaisang niin an sawi a. Kum 36 mi chauh niin Zuckerberg hi Warren Buffett, Inditex founder Amancio Ortega leh Oracle cofounder Larry Ellison-te aiin a hausa tawh zawk a ni.

Lockdown laia hausakna pung chak ber dawttu chu khawvela hausa ber ni mek, Amazon founder leh CEO Jeff Bezos a ni a. Coronavirus vanga ecommerce lam an kalpui theih loh lai pawhin a dinhmun a chhe lo mai ni lovin, a tha tawlh tawlh zawk a. Amazon stock pawh March ni 23 atang khan za zelah 23  laiin a pung a. Bezos-a hausak na hi a hma aia za zela 26 a pungin, tunah hian dollar tluklehdingawn 146.9 a nei mek a. Lockdown hnuah tluklehdingawn 30 a neih belh leh a ni.

A percentage ang zawnga hausakna thang nasa ber chu China ram online market lian ber Piduoduo founder Colin Zheng Huang a ni a. March ni 23 atang khan a hausakna hi a let deuhthawin a pung a. Kum 40-a upa Huang hi Piduoduo dintu leh CEO ni mekin, dollar tluklehdingawn 17.9 zetin a hausak belh a. Tunah hian China rama mi hausa pathumna a ni tawh a, dollar tluklehdingawn 35.6 a nei tawh a ni.

India pa hausa ber Mukesh Ambani chu Asia khawmualpuia hausa ber a ni tawh a. April thla khan Facebook chuan Ambani company Reliance Jio-ah hian dollar tluklehdingawn 5.7 zet an invest a. chu mai bakah chuan private equity giant KKR chuan Ambani sum-dawnnaah hian dollar tluklehdingawn 1.5 a thawh a. Hemi hnu hian investment firm pakhat Silver Lake chuan dollar maktaduai 750 zet a thawh ve leh bawk a. Thla khat pawh tling lovah sum fai dollar tluklehdingawn 10 zet a thawk chhuak der a. Ambani hausakna hi dollar tluklehdingawn 52.7 a ni ta daih a ni.

Hripui leng avangin ram hrang hrang ei leh bar, sum leh pai dinhmun a tlahniam an ti a, mi thiamte an buai a. Mahse, mi hausate erawh an buai ve lo. March ni 23 atang khan khawvela mi hausa zual 25-te hausakna pakhat mah a tlahniam lo a. Walmart neitu Jim, Alice leh Robert Walton-te chu hausakna pung tlem ber an ni a, chuti chung chuan an hausakna hi dollar tluklehdingawn 3.6 in a pung a ni. Khawvel mi hausa 25-te hausak dan indawt chu -

1. Jeff Bezos

Net worth:  $146.9 billion 

Ram: United States

Source: Amazon & Bezos Store

2. Bill Gates

Net worth: $106.5 billion

Ram: United States

Source: Microsoft

3. Bernard Arnault

Net worth: $94.1 billion

Ram: France

Source: LVMH

4. Mark Zuckerberg

Net worth: $86.5 billion

Ram: United States

Source: Facebook

5. Warren Buffet

Net Worth: $69.2 billion

Ram: United States

Source: Berkshire Hathaway 

6. Larry Ellison

Net worth: $66.4 billion 

Ram: United States

Source: Software

7. Steve Ballmer

Net worth: $65.4 billion

Ram: United States

Source: Microsoft

8. Larry Page

Net worth: $63.6 billion

Ram: United States

Source: Google

9. Sergei Brin

Net worth: $61.3 billion

Ram: United States

Source: Google

10. Amancio Ortega

Net worth: $60.5 billion

Ram: Spain

Source: Zara

11. Jim Walton

Net worth: $55.2 billion

Ram: United States

Source: Walmart

12. Alice Walton

Net worth: $55 billion

Ram: United States

Source: Walmart

13. Rob Walton

Net worth: $54.8 billion

Ram: United States

Source: Walmart

14. Francoise Bettencourt

Meyers

Net worth: $54.2 billion

Ram: France

Source: L’Oreal

15. Mukesh Ambani

Net worth: $52.7 billion

Ram: India

Source: Oil & Gas, Petro-chemicals

16. Carlos Slim Helu

Net worth: $51.2

Ram: Mexico

Source: Telecom

17. Mackenzie Bezos

Net worth: $47.8 billion

Ram: United States

Source: Amazon

18. Ma Huateng

Net worth: $46.4 billion

Ram: China

Source: Internet Media

19. Jack Ma

Net worth: $41.3 billion

Ram: China 

Source: E-commerce

20. Phil Knight

Net worth: $37.7 billion

Ram: United States

Source: Nike

21. Elon Musk

Net worth: $36.7 billion

Ram: United States

Tesla Motors, Spacex

22. Colin Zheng Huang

Net worth:$35.6 billion

Ram: China 

Source: E-commerce

23. Francois Pinault

Net worth: $31.8 billion

Ram: France

Source: Luxury Goods

24. Sheldon Adelson

Net worth: $30.7 billion

Ram: United States

Source: Casinos

24. Michael Dell

Net worth : $28.3 billion

Ram: United States

Source: Dell Computers

Comments

Post a Comment

Popular posts from this blog

Thiago Alcantara

-
Ram pathum tan khel thei a ni a, mahse, Spain ram tana khelh a thlang a. Brazil mi a ni a, Italy-ah piangin, Spain ramah a hun tam zawk a hmang bawk a. Premier League champion lai Liverpool-in Bayern Munich a\anga an lak luh Thiago Alcantara hi tunlai football khawvela mimal chanchin sawi hnem ber a ni hial awm e. I han sawi ve dawn teh ang. Nau awih thiam mi pathum Thiago Alcantara chanchin bul thut hre tur chuan kum 1994 World Cup, USA kha va sawi thlen a ngai! Kha World Cup-ah khan Brazil an champion a, an match zawng zawngah Iomas do Nascimento,  ‘Mazinho’ ti-a hriat zawk chu a khel kim vek a. Mahse, field chhunga a chet danah mi mit fukna a ni em em lo va, hriat reng tur thil a ti mang lo.  Quarter-final a ni a, Brazil leh Netherlands an inkhel a. Brazil striker Bebeto chuan  Brazil tan chakna goal a khung a, field sir lam panin a tlan a, Mazinho leh Romario-te chuan an va ûm pha a, an pathumin nau awi ang takin an ti kual ta vel a. Chu chu Bebeto-a fapa piang hlim a...
Read more

The Grassmayr Foundry

-
Image
Zirtawpni tlai tin hian Austria rama Innsbruck khuaah, Leopoldstrasse leh Olympiastrasse kawng pengthuam lai taka workshop pakhat, a chhung thim deuh rupah chuan kut themthiam tlem tête chu hun pawimawh leh danglam tak lawm turin an kal khawm a. Kawr var ha pakhatin a tawngtaina an neih chu kaihruaiin, ani chu puithiam ve-a an neih a ni a. Lal Tawngtaina chu phun bul bulin an sawi rual a, pawn lam atang chuan hriat theih a ni lo. An hnuaiah chuan metre 6 zeta thuk lei laih khuar atang a awm a, chuta tang chuan thil êng set set pakhat hi a rawn chhuak bawk a. Chu hmunah chuan pulpit a awm lo va, dawhsan pawh a awm hek lo. Kut themthiamte chuan an hmaa rem tlar dar chi hrang hrang, mawi tak taka chei chu malsawmna thu an chham a. Chung darte chu Swahili tawng te, Greek lehkha ziala thuziak leh Arabic tawng tein a tlangah thu a inziak hlawm a ni. He mite hi tu dang ni lovin, Grassmayr Foundry hmun thianghlim an tih maia dar (bell) siamtute niin, an tan chuan darte chu bungraw thia...
Read more

The US Open

-
Image
US Open, tennis infiamnaa Grand Slam an tih pali zinga kum khata an khelh hnuhnun ber thin, hard-court Grand Slam awmchhun chanchin hi i’n bih chiang teh ang. A tirin Kum 1881 August thla khan US National Championships chu Newport Casino, Rhode Island-ah an khel tan a. Hei hi tuna US Open lo chhuah tanna a ni a, mahse, US Open khelh tan hunah an chhiar chuang lo. Wimbledon tih lohva Grand Slam upa ber a ni a. A tirah chuan mipa singles leh mipa doubles chauh an khel a. Kum 1877 khan hmeichhe singles an telh a, a hnu kum hnihah hmeichhe doubles pawh an telh leh. Grass, Clay leh Hard court US Open hi Grand Slam zingah grass court, clay court leh hard court-a khelh vek tawh awmchhun a ni a. Kum 1974 thleng khan grass court-ah khelh a ni a. 1975 atanga 1977, kum thum chhung kha clay court-a khelh thin a ni leh a. 1978 atangin tuna an khelhna hard court-ah hian khelh a ni leh ta a. 1914 thleng khan Newport Casino-a grass court-ah an khel thin a, 1915 khan West Side Tennis Club, Forest Hills...
Read more