Donald Trump-a Tan Chhan

-

America ram President inthlanah President ni lai Donald Trump chu vote hmu tlem zâwkah a tang a. Mahse, a chak lo tih a pawm duh lo. Heti taka a tlawm thei lo a, chak dan kawng a zawng char char hi eng vang nge ni-a i rin? A chak zâwk ni-a a inhriat tak tak vang nge, thil dang a awm? tih te i ngaihtuah ve fo em? A hnuaia kan ziah turte hi lo ngaihtuah ve chhin teh - 

Mi thenkhat chuan Trump hian hetia tih bak hi duh thlan tur a nei lo an ti! A chhan an sawi chu -

1. Invenna a nei lo. President office a chhuahsan ve-leh tanin a hmachhawn thei tlat...

Donald Trump hian President a nih loh rual ruala Court-a inlanna tur thubuai a nei mek a. President ni lai chu US Court-ah dan hmanga a chungthû rel theih a ni lo a, hei hi inhumhim nan a hmang hrâm hrâm rih a. Tûnah hian Attorney General William Barr chuan President hi Court-a khin a nih chuan a ni tin hna pawimawh tak a tibuai thei tiin a chhan hrâm hrâm a. Porn-star hnêna sum a lo pêk chungchang te, a chhiah pêk tur tihtlem a duh avanga a sum neih zât a sawi tlem chungchang te, hmeichhe pahnihin ‘defamation’ thubuai an siam-sak te, pawngsual thubuai a neih mek te chu tûnah hian President a nih loh veleha tharthawh mai theihin a inup mek a ni.

Hmeichhe 26 zetin Trump hi Court-ah an khing mek a. A unaupa fanu - Mary Trump chuan an chhungkaw ro a chan ve tur chungchangah Trump hian a bum tiin a khing mek bawk.

Trump hian President a nihna hmang hian a hotel sumdawnnaah sum a la lût niin sawi a ni bawk a. Ireland-a Doonberg Resort-ah a Vice President leh staff-te chu a chawlhtir a. Zan khar riah man tingawtah dollar nuai ruk an hmang an ti. 

Thubuai chi hrang hrang a neih avang hian US President-in mi ngaihdam tura thuneihna a neih dan chungchang hi kum 2017 atang khan a advisor-te chu a lo sawipui tluk tluk tawh an ti a. Mahse, President hi amah leh amah a inngaidam thei em tih erawh US Dan hremi te pawh-in an la sawi chiang thei lo. Mahse, US President hlui Richard Nixon kha President a nihlaia Watergate vanga ban kha a ni a, amah thlâktu tur Gerarld Ford khan a ngaidam dawn tih hre sain a bang an ti a. Ford khan a ngaidam ta rêng a. Trump hian Joe Biden hi hetianga ngaidam tur hian a hmin thei ang em le? 

Chutih laia buaithlâk awm chu - President-in ngaihdamna a pêk theih hi US sorkar laipui thuhnuaia thil thlengah chauh a ni a. New York leh state danga Trump-a thubuai-ah hian Federal sorkar a inrawlh theih hmel loh. Trump-a himna awmchhun chu kum 4 dang President leh chiah a ni an ti tlat a ni!

2. Pawisa a mamawh

New York Times-in a tarlan danin Trump hian dollar maktaduai 400 vel lai ba a nei mek. Tûnhma pawhin a sumdawnnaah hian ‘ka tlachhia’ tiin sorkar hnênah khaichhuah a dil fo tawh a. Mahse, tunah hi chuan hetiang tih hi a rem lo. Chutihlai chuan President a nihna hmang tangkaiin a sumdawnna lamah sum lâk luh dan a thiam ru riau a. A foreign policy hrang hrangah hian Trump-a sumdawnnain a hlâwkpui theih tur a ngaihtuah fo an ti a. British Open golf tournament chu Trump golf course-ah a khelh tir a, White House tihlawm chu organiser-te duhzawng a lo ni si!

President Trump-tih chu hmang tangkaiin a faten ram hrang hrangah in sak leh hralh sumdawnna, India ram thlengin an rawn nei an ti.

Biden laka hnehna a chan theih nana a hmalâkna tura amah tantuten sum an thawh khâwm pawh kum 2024 President inthlan campaign senso leh ama mimal thila a hman theih turin a dah mek an ti bawk!

A chhiah chungchang pawh a buai hlê a, a chhiah pêk dan a tichhuak kim ngam lo an ti bawk a. President a nih loh hunah chuan hêng hi chiang zawkin chin chhuah a ni dawn an ti bawk.

3. Tantu an kiam dawn

Hei hi thil thleng mek a ni. Fox News-in an tlansan tawh a, amah tantu thin kha Joe Biden a tling tih puang hmasa bertu an ni.

Twitter-ah Trump hian follower maktaduai 88 a nei a, Facebook-ah maktaduai 31 neiin, Instagram lamah maktaduai 31 a nei bawk. Inthlanpui neih zawh tâkah khan vote maktaduai 72 aia tam a hmu bawk. Heng zawng zawng, amah zuitute hi President a nih loh hunah chuan an kiam dawn tih a chiang a. A zuitu an kiama a sumdawnna leh a hming larna lo chuai tur hi sumdawng hlawhtling Trump hian a hmu chiang lutuk a, a hlau a ni.

4. Chak lo nih a duh lo

Trump hian chak loh hi a thil duh loh ber a ni a. A sumdawnnaah pawh hnehna chang turin thapui a chhuah thin a. A hlauh ber chu chak loh a ni an ti. Hei hi a pa - Fred Trump nena an mizia dik tak a ni an ti.

Kum 74 mi Trump hian a pa Fred-an ‘Loser’ a tih ang nih a duh lohna chu tun thlengin a la chhawm nung zêl a, chu tlawm nih hrehna, chak lo nih hrehna chuan a theih chen chen tan a duhtir niin sawi a ni

Tunah hian President Trump hian loh theih lohvin Jose Biden chu kawng a kian mek zêl niin a lang a. A chunga kan tarlan tâk te khi a dik vek em kan hre lo. Khawvêl media langsar hrang hrangin an ziah dan a ni a. A dik leh dik loh chu hunin a la rawn hril dawn a ni.

Comments

Post a Comment

Popular posts from this blog

Thiago Alcantara

-
Ram pathum tan khel thei a ni a, mahse, Spain ram tana khelh a thlang a. Brazil mi a ni a, Italy-ah piangin, Spain ramah a hun tam zawk a hmang bawk a. Premier League champion lai Liverpool-in Bayern Munich a\anga an lak luh Thiago Alcantara hi tunlai football khawvela mimal chanchin sawi hnem ber a ni hial awm e. I han sawi ve dawn teh ang. Nau awih thiam mi pathum Thiago Alcantara chanchin bul thut hre tur chuan kum 1994 World Cup, USA kha va sawi thlen a ngai! Kha World Cup-ah khan Brazil an champion a, an match zawng zawngah Iomas do Nascimento,  ‘Mazinho’ ti-a hriat zawk chu a khel kim vek a. Mahse, field chhunga a chet danah mi mit fukna a ni em em lo va, hriat reng tur thil a ti mang lo.  Quarter-final a ni a, Brazil leh Netherlands an inkhel a. Brazil striker Bebeto chuan  Brazil tan chakna goal a khung a, field sir lam panin a tlan a, Mazinho leh Romario-te chuan an va ûm pha a, an pathumin nau awi ang takin an ti kual ta vel a. Chu chu Bebeto-a fapa piang hlim a...
Read more

The Grassmayr Foundry

-
Image
Zirtawpni tlai tin hian Austria rama Innsbruck khuaah, Leopoldstrasse leh Olympiastrasse kawng pengthuam lai taka workshop pakhat, a chhung thim deuh rupah chuan kut themthiam tlem tête chu hun pawimawh leh danglam tak lawm turin an kal khawm a. Kawr var ha pakhatin a tawngtaina an neih chu kaihruaiin, ani chu puithiam ve-a an neih a ni a. Lal Tawngtaina chu phun bul bulin an sawi rual a, pawn lam atang chuan hriat theih a ni lo. An hnuaiah chuan metre 6 zeta thuk lei laih khuar atang a awm a, chuta tang chuan thil êng set set pakhat hi a rawn chhuak bawk a. Chu hmunah chuan pulpit a awm lo va, dawhsan pawh a awm hek lo. Kut themthiamte chuan an hmaa rem tlar dar chi hrang hrang, mawi tak taka chei chu malsawmna thu an chham a. Chung darte chu Swahili tawng te, Greek lehkha ziala thuziak leh Arabic tawng tein a tlangah thu a inziak hlawm a ni. He mite hi tu dang ni lovin, Grassmayr Foundry hmun thianghlim an tih maia dar (bell) siamtute niin, an tan chuan darte chu bungraw thia...
Read more

The US Open

-
Image
US Open, tennis infiamnaa Grand Slam an tih pali zinga kum khata an khelh hnuhnun ber thin, hard-court Grand Slam awmchhun chanchin hi i’n bih chiang teh ang. A tirin Kum 1881 August thla khan US National Championships chu Newport Casino, Rhode Island-ah an khel tan a. Hei hi tuna US Open lo chhuah tanna a ni a, mahse, US Open khelh tan hunah an chhiar chuang lo. Wimbledon tih lohva Grand Slam upa ber a ni a. A tirah chuan mipa singles leh mipa doubles chauh an khel a. Kum 1877 khan hmeichhe singles an telh a, a hnu kum hnihah hmeichhe doubles pawh an telh leh. Grass, Clay leh Hard court US Open hi Grand Slam zingah grass court, clay court leh hard court-a khelh vek tawh awmchhun a ni a. Kum 1974 thleng khan grass court-ah khelh a ni a. 1975 atanga 1977, kum thum chhung kha clay court-a khelh thin a ni leh a. 1978 atangin tuna an khelhna hard court-ah hian khelh a ni leh ta a. 1914 thleng khan Newport Casino-a grass court-ah an khel thin a, 1915 khan West Side Tennis Club, Forest Hills...
Read more